Almaty 2021 jyly tolyq tsıfrlyq televızııaǵa kóshedi

ALMATY. QazAqparat - Almatyda «Tsıfrlyq Qazaqstan» memlekettik baǵdarlamasy aıasynda tsıfrlyq televızııa jobasy engiziletin boldy. Bul týraly óńirlik kommýnıkatsııalar qyzmetinde Almaty oblystyq radıotelehabar taratý dırektsııasynyń dırektory Qaısar Razdyqov aıtty, dep habarlaıdy QazAqparat tilshisi.

«Tsıfrlyq habar taratý elimizdiń basym baǵyttarynyń biri. Qazaqstanda tsıfrlyq tehnologııaǵa kóshýdiń kezeńdik jospary quryldy. Tsıfrlyq televıdenıege kóshken jaǵdaıda tele jáne radıobaǵdarlamalardyń sany kóbeıedi, biraq olardy jasaýǵa ketetin resýrs azaıady. Sonymen qatar, bul sala jarnama naryǵyn damytýǵa da septigin tıgizedi. Qalalyq abonentter tsıfrlyq sapadaǵy 30 kanaldy, aýyldyqtar 15 kanaldy kóre alatyn bolady. Tsıfrlandyrý jumystary úshin abonentter aqsha tólemeıdi», - dedi Qaısar Razdyqov.

Onyń aıtýynsha, jobany júzege asyrý barysynda baılanys operatorlarymen arada jumys júrgizilip jatyr.

«Tsıfrlandyrý jobasy 2021 jylǵa deıin jalǵasady degen jospar bar. Nátıjesinde 2-3 jylda Qazaqstannyń barlyq óńirine tsıfrlyq telearna taralady. Qazaqstandyqtar abonenttik aqy tólemeı-aq 30 arnany sapaly rejimde kóre alady», - dedi qalalyq Jumyspen qamtý jáne áleýmettik baǵdarlamalar basqarmasynyń bólim basshysy Gúlnar Muhametova.