Almaty 2019 jyly ótetin Halyqaralyq shańǵy chempıonatyn ótkizýge úmitker atandy
ALMATY. QazAqparat - Almaty 2019 jyly ótetin Halyqaralyq shańǵy chempıonatyn ótkizýge úmitker atandy. Bul týraly Barselonada ótken halyqaralyq shańǵy federatsııasynyń (FIS) 49-shy kongresi barysynda málim boldy, dep habarlady «Ýnıversıada Almaty 2017» atqarýshy dırektsııasynyń baspasóz hatshysy Nurlan Túsipov.
Qalanyń qatysýy týraly ótinishti «Ýnıversıada Almaty 2017» atqarýshy dırektsııasy men qala ákiminiń orynbasary Záýresh Amanjolova bastaǵan «Qazaqstannyń shańǵy sporty qaýymdastyǵy» ótinish komıteti usyndy.
«Kórme 3 kún boıy jalǵasady. 5 maýsymda keńes jeńimpaz qalany anyqtaıtyn bolady. Baǵdarlamada tramplınnen sekirý, shańǵy qossaıysynan, shańǵymen júgirý túrleri boıynsha jarystar qarastyrylǵan. Ótinish bildirgen qalalardyń ishinde Germanııanyń Oberstdorf, Slovenııanyń Planıtsa, Avstrııanyń Sıfıld qalalary bar», - dedi N. Túsipov.
