Almaty 2017 jylǵy Búkilálemdik qysqy ýnıversıadany ótkizýge ótinim kitabyn usyndy
BıÝSSELЬ. 1 qazan. QazAqparat /Dımash Syzdyqov/ - 30 qyrkúıek kúni Brıýsseldegi Ýnıversıtet sportynyń (FISU) halyqaralyq shtab-páterinde Almaty ákiminiń orynbasary Serik Seıdýmanov bastaǵan qazaqstandyq delegatsııa 2017 jylǵy Búkilálemdik qysqy ýnıversıadany Almatyda ótkizýge ótinim kitabyn usyndy.
Qala ákiminiń orynbasary atap ótkendeı, ótinim kitabynda qalanyń Ýnıversıada ótkizýge ázirligi jáne oǵan daıyn bolý merzimi jan-jaqty baıandalǵan. Onda el basshylyǵynyń, qala ákiminiń jáne mınıstrlikter men vedomstvolardyń hattary, Almaty týraly tolyq aqparat bar.
Almaty ákiminiń orynbasary qala ınfraqurylymynyń kópshiligi qysqy Ýnıversıada ótkizýge qazirdiń ózinde tolyq daıyn ekenin atap kórsetti, óıtken bıylǵy jyly Qazaqstan Azıada oıyndaryn oıdaǵydaı ótkizdi.
Sondaı-aq bul kúni Almatydan basqa qysqy ýnıversıada ótkizýge ıtalıandyq Trento qalasy ótinim berdi. 2017 jylǵy stýdenttik jarystardy ótkizýge Brazılııa astanasy - Brazılıa, túriktiń Kadjaelı jáne qytaıdyń Taıpeı qalalary qosyldy. Jeńimpazdar aǵymdaǵy jyldyń qarashasynda FISU-de daýys berý qorytyndysymen anyqtalady.
