«Almaty-2-Zaşıta» poıyzy kún saıyn qatynaıtyn bolady

ASTANA. QazAqparat - Jaz maýsymynda «Almaty-2-Zaşıta» baǵyty boıynsha júretin «Tulpar-Talgo» júrdek poıyzy kún saıyn qatynaıtyn boldy.

«Kópshiliktiń suranysyn eskere otyryp, 2015 jyldyń 29 maýsymynan bastap «Almaty-2-Zaşıta» baǵyty boıynsha jańa «Tulpar-Talgo» júrdek poıyzy jaz maýsymynda kún saıyn qatynaıtyn boldy. Bul poıyz buryn kúnara júretin», dep habarlaıdy «Jolaýshylar tasymaly» AQ baspasóz qyzmetinen.

Sonymen qatar 2015 jyldyń 4 shildesinen bastap jolaýshylarǵa qolaıly jaǵdaı jasaý úshin jaz maýsymynda «Astana-Qostanaı» baǵyty boıynsha kúnara qatynaıtyn jańa «Tulpar-Talgo» júrdek poıyzy jolǵa shyǵady. Qosymsha aqparatty temirjol vokzaldarynyń anyqtamalyqtarynan nemese 105 anyqtama qyzmetinen alýǵa bolady.