Almaty-2 vokzalynan órt shyqty
ALMATY. QazAqparat – Almaty-2 vokzalynyń shatyry órtendi, dep habarlaıdy QazAqparat tilshisi.
«29 qarasha kúni saǵat 14:08-de Almaty qalasy Jetisý aýdany Abylaıhan dańǵyly, 1 mekenjaıynda ornalasqan Almaty-2 vokzalynyń ǵımaraty, atap aıtqanda vokzal ǵımaratynyń tóbesi órtenip jatqany týraly habar tústi. Oqıǵa ornynda tótenshe jaǵdaılar departamentiniń qyzmetkerleri - jeke quramnan 43 adam jáne 14 tehnıka jumys istep jatyr. 100 sharshy metr aýmaqta vokzaldyń bas ǵımaraty shatyrynyń aǵashy órtendi. Adamdar ǵımarattan óz betinshe shyǵyp ketti, eshkim zardap shekken joq», - dep habarlady Tótenshe jaǵdaılar mınıstrliginen.
Órt saǵat 14:30-da órt oqshaýlanyp, saǵat 14:50-de órt tolyq sóndirildi.
Vokzal shtattyq rejımde jumys istep tur. Poıyzdardyń keshigýi bolǵan joq.
