Almaty-2 stansasynda eki poıyz soqtyǵysyp, 4 adam japa shekti

ASTANA. 29 shilde. QazAqparat - Almaty-2 stansasynda 28 shilde kúni keshki saǵat 17.15-te «Almaty - Novosibir» jáne «Almaty - Petropavl» baǵyttaryndaǵy jolaýshylar poıyzdarynyń quramdaryn shyǵarý úshin manevrlik jumystar kezinde vagondar arasynda qatty tirkelý oryn alǵan.

Bul týraly «Qazaqstan temir joly» AQ baspasóz qyzmetinen habarlady.

Saldarynan áıel jolaýshylardyń biri jeńil jaraqattandy. Oǵan medıtsınalyq kómek kórsetildi, ol aýrýhanaǵa jatýdan bas tartty. QTJ-diń úsh názik jandy qyzmetkeri de japa shegip, olarǵa medıtsınalyq kómek kórsetildi.

№301 «Almaty - Novosibir» 3 saǵat 16 mınýtqa, №15 «Almaty - Petropavl» baǵytyndaǵy jolaýshylar poıyzy 3 saǵat 19 mınýtqa belgilengen ýaqytynan kesheýildetip jolǵa shyqty.

Jolaýshylardy tasymaldaýshy kompanııa tarapynan atalmysh poıyzdardyń kidirgen ýaqytyn azaıtyp, bekitilgen kestege saı qozǵalýy úshin barlyq jaǵdaı jasalýda.