«Almaty-2-Almaty-1» jolynda teplovoz er adamdy qaǵyp ketti
ASTANA. QazAqparat - «Almaty-2-Almaty-1» temir jolynyń 2 shaqyrymyndaǵy ótkelinde «Almaty-2-Úrimji» baǵytyndaǵy jolaýshylar poıyzynyń quramyndaǵy teplovoz tyıym salynǵan jerde temir joldan ótken 54 jastaǵy Almaty turǵynyn qaǵyp ketti, dep habarlady kóliktegi ІІD baspasóz qyzmetinen.
Japa shegýshi alynǵan jaraqattar saldarynan sol jerde mert boldy. 14 shildede bolǵan oqys oqıǵa faktisi boıynsha tekserý jumystary júrgizilip jatyr.
Brıfıngte temir jol kóligi qaýipti aımaq ekeni atalyp ótildi. Buǵan qaramastan, azamattar qaýipsizdik tehnıkasyn saqtamaıdy, ıaǵnı poıyz kele jatqanyna qaramaı, belgilenbegen jerden ótedi. Osylaısha ózderin, jolaýshylar men temir jol qyzmetkerleriniń basyn qaýipke tigedi.
