Almaty-1 temirjol vokzalynda esirtkimen Qyrǵyzstan azamattary ustaldy - Kóliktegi ІІD
ASTANA. 20 mamyr. QazAqparat / Aınur Kenebaeva / - Almaty-1 temirjol vokzalynda esirtkimen Qyrǵyzstan azamattary ustaldy.
Bul týraly Kóliktegi Іshki ister departamenti baspasóz qyzmetinen habarlady.
Vedomstvo habarlaǵandaı, 18 mamyr kúni tańerteńgilik ýaqytta shuǵyl izdestirý sharalary nátıjesinde Kóliktegi ІІD-niń esirtki bıznesimen kúres basqarmasynyń qyzmetkerleri Almaty-1 vokzalynda eki er azamatty qolǵa túsirdi. Tergeý kezinde anyqtalǵandaı, olar Qyrǵyzstan Respýblıkasynyń 1962 jáne 1975 jyly týylǵan azamattary ekendigi anyqtaldy.
Baspasóz qyzmeti taratqan aqparat boıynsha, kúdiktilerden 242,14 gramm esirtki zaty - «geroın» tárkilengen.
Atalmysh zań buzýshylyq deregi boıynsha qazirgi tańda qylmystyq is qozǵalyp, qylmyskerler ýaqytsha ustaý orynyna qamalǵan.
Kóliktegi ІІD-niń baspasóz qyzmeti málim etkendeı, jyl basynan beri esirtki bıznesimen kúres basqarmasynyń tártip saqshylary jalpy salmaǵy 11 kılogramm 434 gramm «geroın» tárkilegen.
