Almaty-1 temirjol vokzaly qalaı ózgeredi
Nysan jaqynda qalanyń kommýnaldyq menshigine ótken bolatyn. Bıyl munda rekonstrýktsııa jumystary bastalady. Qala basshysy vokzaldy modernızatsııalaý barysynda arzan, biraq sapaly materıaldar paıdalanylýy kerektigin aıtty. Rekonstrýktsııalaýdan soń vokzal arqyly táýligine 11-16 myń jolaýshy ótetin bolady. Al kútý oryndarynyń sany tórt ese artady.
Bulardan ózge, adamdardyń qaýipsizdigi men jaılylyǵy úshin keletin jáne ketetinderdiń legi ekshelenedi. Zamanaýı ótkelder salynyp, burynǵy jerasty joly keńeıtiledi jáne eskalatorlar qoıylady.
Buryn «QTJ» AQ Almaty-1 jáne Almaty-2 temirjol vokzaldaryn qala balansyna berý týraly sheshim qabyldaǵan edi. Nátıjesinde Almaty ákimdigi obektilerge rekonstrýktsııa júrgizip, olardy megapolıstiń kólik ınfraqurylymynyń bir bóligi retinde odan ári damytady. 2018 jyly jergilikti bıýdjet esebinen eki temirjol vokzalynyń aınalasy jańartyldy.
Aıta ketý kerek, bıyl Almatyda jaıly qala keńistigin damytý jumystary jalǵasady. Búgingi kúnge deıin qalanyń tarıhı ortalyǵynyń úshten eki bóligi modernızatsııalandy. 524 kóshe,1400 eski aýla jóndeldi. Kóshe jaryǵynyń úshten biri dıodty jáne energııa jınaqtaýshy shamdarǵa aýystyryldy, 300 km aryq jáne 1000 km ınjenerlik jeli qaıta jasaldy. Qalanyń barlyq jerasty ótpeli joldary jańǵyrdy.
Kólik reformasyn júzege asyrý barysynda byltyr qala baǵyttaryna 500 jańa avtobýs shyqty. Bıyl da avtobýs parkterin jańartý isi jalǵasyn tabady.
