«Almaty-1» temir jol vokzalynda 14 qoǵamdyq tamaqtandyrý orny súrilip tastalady
«14 qoǵamdyq tamaqtandyrý orny súrilip tastalady. «Almaty-2» vokzalynda jeke kásipkerlermen ázirge aýyzsha kelisimge keldik. Biz olarǵa perronnan (jolaýshylar alańy) oryn berýimiz múmkin nemese basqa da balama joldaryn qarastyratyn bolamyz», - dedi E. Shıntekov.
Sonymen qatar, onyń aıtýynsha, ótken jyly Almaty qalasynyń Túrkisib aýdandyq ákimdiginiń sheshimi boıynsha vokzal aýmaǵyn jalǵa alýshylardan ózderiniń býtıkterin sanıtarlyq jáne órt sóndirý normalaryna sáıkestendirip, retke keltirý tapsyrylǵan eken.
«Biraq, olar 2016 jylǵa deıin eshteńe istemedi. Keıin, qala ákimdigi men «Qazaqstan temir joly» UQ» AQ birlese otyryp, dúńgirshekterdi alyp tastaý týraly sheshim qabyldady.
Biz balama jolyn usyndyq. Bazarlarda oryn berý úshin biz tipti Túrksib aýdandyq ákimdigimen de kelisim jasastyq. Biraq, jalǵa alýshylar munymen kelispeı otyr. Al biz olarǵa tek perronnan ǵana oryn bere alamyz», - dedi ol.
Ol sondaı-aq, jalǵa alý úshin aldyn ala aqsha tólegenderdiń qarajattary ózderine qaıtarylatyndyǵyn jetkizdi.
«Biz 14 tamaqtandyrý orny boıynsha sotqa talap aryz túsirgen bolatynbyz. Jeti aryz boıynsha býtıkterdi májbúrli túrde súrip tastaý jóninde bizdiń paıdamyzǵa sot sheshimi shyǵaryldy. Endi jańa zań boıynsha 30 kún kútemiz. Keıin sot oryndaýshylary iske kirisedi. Qalǵan 7 nysan boıynsha qazir talqylaý júrip jatyr», - dedi Erık Shıntekov.
