Almaty-1 stansasynyń bastyǵy para alǵany úshin sottaldy

NUR-SULTAN. QazAqparat – «Almaty jolaýshylar tasymaly bólimi» - «QTJ-Júk tasymaly» AQ-na qarasty «Almaty-1» stansasynyń bastyǵy para alǵany úshin sottaldy, dep habarlaıdy QazAqparat QR Sybaılas jemqorlyqqa qarsy kúres agenttigine silteme jasap.

Almaty qalalyq Sybaılas jemqorlyqqa qarsy kúres qyzmeti júrgizgen sotqa deıingi tergeý boıynsha, «Almaty JT bólimi» - «QTJ-Júk tasymaly» AQ-na qarasty «Almaty-1» stansasynyń bastyǵy T.S.Quljabaev QHR menshik ıelerine bos konteınerlerdi qaıtarý jáne kedergisiz tekserý úshin kommertsııalyq kásiporyn ókilderinen deldal arqyly 500 myń teńge kóleminde para alǵany anyqtaldy.

2019 jyldyń 4 qyrkúıeginde Almaty qalasy №2 Medeý aýdandyq soty T.Quljabaevqa birneshe ret para alǵany úshin 17 832 500 teńge kóleminde aıyppul salyp, ómir boıyna memlekettik qyzmette jumys isteý quqyǵynan aıyrdy.