«Almaty-1» stansasynyń basshysy para alý kúdigine ilindi

NUR-SULTAN. QazAqparat - QR Sybaılas jemqorlyqqa qarsy is-qımyl agenttiginiń Almaty qalasy boıynsha departamenti «QTJ - Júk tasymaly» AQ fılıalynyń Almaty bólimshesi «Almaty-1» stansasy basshysynyń para alý faktisin anyqtady, dep habarlaıdy QazAqparat sybaılas jemqorlyqqa qarsy kúres qyzmetine silteme jasap.

«Ol kedergisiz tekserý men jalǵa alynǵan konteınerlerdi qaıtarý úshin jeke kompanııa ókilinen 370 myń teńge somasyndaǵy parany deldal arqyly aldy degen kúdikke ilindi. Kináni tolyq moıyndaýyna baılanysty kúdiktilerdi protsessýaldy ustaý sharasy qoldanylmady. Tergeý amaldary jalǵasýda», - delingen habarlamada.

Kúdiktilerdiń aıyptylyq deńgeıin anyqtaı otyryp, olarǵa qatysty sońǵy sheshimdi sot shyǵarady.