Almatynyń Jetisý aýdany ákimi otstavkaǵa kete me
ALMATY. KAZINFORM - Almaty qalasy Sybaılas jemqorlyqqa qarsy is-qımyl departamentiniń basshysy Arman Rahımov Jetisý aýdanynyń ákimi Gúlnár Kókebaeva orynbasarynyń iri kólemde para alǵany úshin jaýapqa tartylý máselesine qatysty suraqqa jaýap berdi.
«Úkim áli zańdy kúshine engen joq, oǵan appelıatsııalyq túrde shaǵym jasalady. Sot úkimi zańdy kúshine engen soń, eger birinshi ınstantsııanyń aıyptaý úkimi rastalsa, tıisinshe basshynyń qaramaǵyndaǵylardyń sybaılas jemqorlyqqa jol bergeni úshin jeke jaýapkershiligi iske asady. Saıası memlekettik qyzmetshiler úshin bul otstavkaǵa ketý degen sóz. Tıisti laýazymdy tulǵa bul otstavkany qaraıdy, ony qabyldap nemese qabyldamaıdy, sonymen qatar, tártiptik jaýapkershilik máselesin sheshetin bolady», - dedi Arman Rahımov óńirlik kommýnıkatsııalar qyzmeti alańynda.
Eske salaıyq, jyl basynda Almatynyń Jetisý aýdany ákiminiń orynbasary 14 mln teńge para aldy degen kúdikke ilingen edi.
Aqpan aıynda Jetisý aýdanynyń №2 aýdandyq sotynda Jetisý aýdany ákiminiń orynbasary para alǵany úshin 6 jylǵa sottalǵan bolatyn.
