Almatynyń jeti aýdanynda jaryq ýaqytsha óshiriledi
ALMATY. KAZINFORM — «Alataý Jaryq Kompanııasy» elektr jelilerinde josparly jóndeý jumystary júrgiziletinin habarlady.
Osyǵan baılanysty 8-13 maýsym aralyǵynda Almatynyń birqatar aýdanynda elektr energııasy ýaqytsha óshiriledi.
Jóndeý jumystary áýe jáne kabel jelilerinde, sondaı-aq transformatorlyq qosalqy stansalarda júrgiziledi.
Elektr qýatyn berý negizinen kúndizgi ýaqytta — saǵat 08:00–17:00 nemese 09:00–17:00 aralyǵynda ýaqytsha shekteledi.
Josparly óshirýler Almaly, Áýezov, Bostandyq, Jetisý, Medeý, Naýryzbaı jáne Alataý aýdandaryndaǵy turǵyn úılerge, áleýmettik nysandar men jekelegen kásiporyndarǵa áser etedi.
Kompanııa keste jospardan tys jumystar men tehnıkalyq qajettilikke baılanysty ózgerýi múmkin ekenin eskertti. Tolyq tizimdi myna jerden kórýge bolady.
Eske salaıyq, buǵan deıin Almatyda jáne oblysta qaryzy bar turǵyndaryń jaryǵy óshirile bastaıtynyn jazǵanbyz.
2026 jylǵy 1 maýsymdaǵy jaǵdaı boıynsha Almaty qalasy men Almaty oblysy tutynýshylarynyń elektr energııasy úshin jalpy bereshegi shamamen 34 mlrd teńgege jetken.
