Almatynyń Jandosov kóshesinde kólik qozǵalysyna 2 apta shekteý engiziledi
ALMATY. KAZINFORM – Jandosov kóshesiniń bir bóliginde ortasha jóndeý jumystarynyń júrgizilýine baılanysty avtokólik qozǵalysyna ýaqytsha shekteý engiziledi.
Almaty ákimdiginiń málimetinshe, 21 shilde saǵat 20:00-den 1 tamyz saǵat 06:00-ge deıin Dáýletkereı kóshesinen qala shekarasyna deıingi ýchaskede keri baǵyttaǵy qozǵalys (reversıvti qozǵalys) uıymdastyrylady.
- Jol qozǵalysyna qatysýshylardan ýaqytsha qolaısyzdyqtarǵa túsinistikpen qarap, ýaqytsha jol belgileriniń talaptaryn saqtaýdy jáne belgilengen jyldamdyq rejımin qatań ustanýdy suraımyz. Jóndeý jumystarynyń merzimi aýa raıy jaǵdaıyna baılanysty ózgerýi múmkin, - dep habarlady ákimdikten.
Eske salaıyq, buǵan deıin Almatyda Tóle bı kóshesiniń bir bóligi tolyqtaı jabyldy.
Sondaı-aq Naýryzbaı aýdanynda Batys káriz kollektory qurylysy jobasynyń kezekti kezeńi bastaldy. Osyǵan baılanysty 17 shilde men 30 tamyz aralyǵynda Bekeshev kóshesiniń Ábdildın kóshesinen Beljaılaý kóshesine deıingi bóliginde avtokólik qozǵalysyna ýaqytsha shekteý engizildi.
