Almatynyń zańsyz salynǵan eki qabatty ǵımarat buzylady
ALMATY. KAZINFORM — Qala qurylysyn baqylaý basqarmasy Qurmanǵazy kóshesi, 103 mekenjaıynda ornalasqan nysannyń buzylyp jatqanyn habarlady.
Almaty ákimdiginiń málimetinshe, jospardan tys tekserý barysynda menshik ıesi (jeke tulǵa) nysandy tıisti ruqsat qujatsyz salǵany anyqtalǵan. Keıin menshik ıesine qatysty ákimshilik sharalar qoldanylyp, zańbuzýshylyqty joıý týraly nusqama berilgen.
— 2024 jyly 23 qyrkúıekte basqarma Almaty qalasynyń mamandandyrylǵan aýdanaralyq ekonomıkalyq sotyna nysandy buzý jóninde talap-aryz túsirdi. Sot talapty qanaǵattandyrdy. 2025 jyly 20 sáýirde Almaty qalalyq sotynyń qaýlysymen birinshi satydaǵy sot sheshimi ózgerissiz qaldyryldy, — dep habarlady ákimdikten.
Sot sheshimin oryndaý maqsatynda nysan ıesi ǵımaratty ózi buza bastady.
Eske salaıyq, buǵan deıin Almatyda iri qurylys nysany buzylyp jatqanyn jazǵanbyz.