Almatynyń Túrksib aýdanynda 150-den astam eski turǵyn úı súriledi
ALMATY. KAZINFORM — Almatydaǵy eski úılerdiń basym bóligi Túrksib aýdanynda ornalasqan.
Aýdany ákimi Damır Ákejanovtyń aıtýynsha, Túrksib aýdany búginde apatty jáne eski turǵyn úıler sany boıynsha qalada kósh bastap tur, mundaı 582 turǵyn úı bar. Atalǵan máseleni sheshý úshin qalada renovatsııa baǵdarlamasy iske qosylǵan.
Qazir jeti ýchaskede 34 eski úı súrilip, 17 jańa úı salynǵan. Barlyǵy 590-nan astam páter ıesi jańa qonysqa kóshken.
— Josparda taǵy 175 kópqabatty turǵyn úı salý bar, bul 5000-nan astam páter degen sóz. Jalpy alǵanda, osy jobalar aıasynda 155-ten astam eski úı jańartylady, — dedi Damır Ákejanov.
Sonymen qatar aýlalardy abattandyrý jumystary qatar júrgizilip jatyr. Bıyl 25 aýla jańartylady, «Juldyz-1» shaǵyn aýdanynda taǵy 20 aýla ǵımarattyń qasbetinen qasbetine deıin tolyq kúrdeli jóndeýden ótedi.
Eske salaıyq, 2025 jyly Almatyda eski úılerden qansha adam kóshirilgenin jazǵanbyz.
