Almatynyń Túrksib aýdanynda 126 eski úı buzylyp, jańa 181 úı salynady

ALMATY. KAZINFORM – Túrksib aýdanynda eskirgen 126 úıdi buzylyp, onyń ornyna jańadan 181 kópqabatty turǵyn úı salynady.  Bul týraly aýdan ákimi Baqytjan Aqjarov aıtty.

Onyń aıtýynsha, aýdan jaqsy qalalyq orta qalyptastyrý turǵyn úı qoryn jańartyp, qoǵamdyq keńistikter abattandyryp, ınfraqurylymdy jańǵyrtyp jatyr. Eski úılerdi jańasyna almastyrý osy istegi eń basty mindettiń biri bolmaq.

- Qazir 8 jerde qurylys jumysy júrip jatyr. 28 eski úıdiń ornyna 17 jańa úı salynyp, 500-den astam turǵyn jańa páterge kóshti, - dedi ol.

Baqytjan Aqjarov ońaltýǵa arnalǵan aımaqtardy damytýǵa erekshe kóńil bólinip otyrǵanyn atap ótti. Shilde aıynda Úlken Almaty kanalynda qaıta qurý jumysy bastalǵan. Munda demalys aımaqtary, jaǵajaı alańdary salynyp, jaıaý júrginshilerdiń kópiri jańartylyp jatyr. Endi jyldyń sońyna deıin Baým toǵaıy men Kishi Almaty ózeniniń boıyndaǵy jaıaý júrginshilerdiń aımaǵyn abattandyrýdy qolǵa alynady.

- Sonymen qatar aýdanda 850 metr aryq júıesiniń kúrdeli jóndeý jumystary josparlanǵan. Jasyl jelekterdi kútip ustaý jaǵy da eskerilgen, - dedi aýdan ákimi.

Eske salaıyq, buǵan deıin Almatydaǵy eski úılerdiń 40%-dan astamy Túrksib aýdanynda ornalasqanyn jazǵanbyz.