Almatynyń tsıfrlyq egizi 2026 jyldyń sońynda daıyn bolady

ALMATY. KAZINFORM — Halyqaralyq Digital Almaty forýmy aıasynda megapolıstiń tsıfrlyq egizi qashan daıyn bolatynyn habarlandy.

Алматының цифрлық егізі 2026 жылдың соңында дайын болады
Фото: Досбол Атажан/Kazinform

Almaty qalasy Tsıfrlandyrý basqarmasynyń basshysy Oljas Jańabektiń aıtýynsha, bul joba qaladaǵy jumystardy bir júıege biriktirý úshin qajet.

— Qazir qalanyń ártúrli júıeleri bólek-bólek jumys istep jatyr. Bul qalany júıeli túrde basqarýdy qıyndatady. Sıngapýr men Shenchjen qalalarynyń sátti jobalaryna súıene otyryp, Almaty qalasy 2026 jyldyń jeltoqsan aıynda megapolıstiń tsıfrlyq egizin iske qosady, — dedi basqarma basshysy.

Almaty qalasy Tsıfrlandyrý basqarmasynyń basshysy Oljas Jańabek
Foto: Dosbol Atajan/Kazinform

Almatynyń tsıfrlyq egizinde negizgi 3 deńgeı bolady. Birinshi deńgeı qalanyń ınjenerlik ınfraqurylymyn tolyqtaı qamtıdy. Ekinshi deńgeıde, qala qurylysyn modeldeý jáne ońtaılandyrý, sondaı-aq kólik qozǵalysyn baqylaý jumysy júrgiziledi. Úshinshi tabıǵı-klımattyq deńgeı bolady. Onda aýa sapasy sekildi qalanyń damýyna áser etetin barlyq tabıǵı qubylystar qamtylady.

— Shenchjen qalasyna baryp, arnaıy olardyń tájirıbesimen tanystyq. Olar tsıfrlyq egiz jobasyn tolyqqandy iske qosý úshin 6 jyl jumsaǵan. Qazir Shenchjende sekildi bizde de ınventarızatsııa, ıaǵnı nysandardy tsıfrlandyrý jumystary bastaldy, — dedi ol.

Eske salaıyq, byltyr Almatynyń tsıfrlyq egizin jasaý jobasy qandaı satyda ekenin jazǵanbyz. 

Сейчас читают