Almatynyń tórt aýdanynda demalys kúnderi azyq-túlik jármeńkesi ótedi
ALMATY. KAZINFORM – Almatyda mereke jáne demalys kúnderi azyq-túlik jármeńkeleri jumysyn jalǵastyrady. Bul týraly «Almaty» áleýmettik-kásipkerlik korporatsııasy habarlady.
Jármeńkeler ár senbi jáne jeksenbi kúnderi saǵat 09:00-den 18:00-ge deıin uıymdastyrylady.
Saýda alańdary myna mekenjaılarda ornalasady:
– Bostandyq aýdanynda – «Qazaqfılm» shaǵynaýdanynda;
– Áýezov aýdanynda – Rysqulbekov kóshesi, 33/2;
– Medeý aýdanynda – Meńdiqulov pen Bekturov kósheleriniń qıylysynda;
– Almaly aýdanynda – Masanchı kóshesinde, Áıteke bı men Gogol kósheleriniń aralyǵynda.
Uıymdastyrýshylardyń aıtýynsha, jańǵyrtý jumystary aıaqtalǵannan keıin jármeńkelerdi basqarý jáne baǵanyń turaqtylyǵyn baqylaý mindeti «Almaty» áleýmettik-kásipkerlik korporatsııasy qaraýyna ótedi.
Demalys kúngi jármeńkeler turǵyndardy áleýmettik mańyzy bar azyq-túlikpen qoljetimdi baǵada qamtamasyz etý maqsatynda ótkizilip keledi.
Aıta keteıik, Astanada da merekelik aýyl sharýashylyǵy jármeńkesi ótedi.
