Almatynyń tómengi bóligi ortalyq ınjenerlik jelilerge qosylady
ALMATY. KAZINFORM – Almatynyń «Tómengi besjyldyǵy» shaǵyn aýdanyndaǵy joldar tamyzdyń sońyna deıin qalpyna keltiriledi. Joba boıynsha barlyǵy 67 kóshe qamtylǵan, olardyń deni asfalttalǵan.
Almaty ákimdiginen atap ótkendeı, tómengi besjyldyqtyń turǵyndaryn sýmen jabdyqtaý jáne káriz jelilerine qosý boıynsha úsh jyldyq joba 2021 jyly bastaldy. Qazir jumys josparyna sáıkes 115,5 myń metr sý qubyrynyń 100 myń metrden astamy jáne 32 myń metr káriz jelisiniń 28 myń metrge jýyǵy salyndy.
Jumysshylar Spasskaıa, Hakasskaıa kósheleriniń jáne birqatar alleıaǵa asfalt tóseýge daıyndyq júrgizip jatyr. Qubyrlar men qudyqtardy montajdaý Zemnýhov, Balqadısha, Shmıdt, Svobodnaıa, Hakasskaıa, Lermontov, Trenev jáne Kostromskaıa kóshelerinde júrgiziledi.
Joba tamyzdyń sońynda tolyq aıaqtalady. Osylaısha, búkil shaǵyn aýdan ortalyq sýmen jáne káriz jelilerimen tolyq qamtylady.
Aıta ketý kerek, jobada abonentterdi sýmen jabdyqtaý jelilerine qosý kózdelgen, al káriz jelisine qosý abonentter esebinen júzege asyrylady.
Almaty ákimi Erbolat Dosaevtyń tapsyrmasymen bıyl barlyǵy 142 km salý jáne 48 km sýmen jabdyqtaý jelilerin jańǵyrtý kózdelgen.
