Almatynyń Tımırıazev kóshesinde jer astynan sý atqylady

Qala ákimdiginiń málimetinshe, bul jaǵdaı elektr jelilerin 6 kV-tan 10 kV-qa aýystyrý jumystary kezinde bolǵan. Atalǵan jobany «Alataý Jaryq Kompanııasy» AQ-nyń tapsyrysy boıynsha «SARYARQA-MS» JShS atqaryp jatyr. Joba aıasynda PS-6A jáne PS-3A qosalqy stantsııalaryndaǵy jelilerdi jańǵyrtý kózdelgen.

— Tımırıazev pen Manas kósheleriniń qıylysynda júrip jatqan jer qazý jumystary kezinde jasyl jelekterdi avtomatty túrde sýaratyn qubyr zaqymdanyp, saldarynan sý syrtqa shyqty. Aqaý anyqtalǵan boıda merdiger uıym ony retke keltirip, avtosýarý júıesin qaıta qalpyna keltirýge baǵyttalǵan sharalar qabyldady, — dep habarlady ákimdikten.

Eske salaıyq, buǵan deıin Almatyda túngi ýaqytta atys daýsy estildi. Qalalyq polıtsııa departamenti bul derekke túsinikteme berdi.