Almatynyń taýly aımaqtarynda blok-beketter qoıylady
ALMATY. KAZINFORM – Almatynyń taýly aýmaqtarynda qar kóshkini qaýpi joǵary deńgeıde saqtalyp otyr. Bul týraly «QR TJM Qazseldenqorǵaý» MM jáne Almaty tótenshe jaǵdaılar departamenti habarlady.
Mamandardyń málimetinshe, qaýipsizdik sharalaryn kúsheıtý maqsatynda qar kóshkini qaýpi bar ýchaskelerde blok-beketter qoıylady.
– Qutqarý qyzmetteri azamattardy taýly aımaqtarǵa barýdan ýaqytsha bas tartýǵa jáne qaýipsizdik talaptaryn qatań saqtaýǵa úndeıdi, - delingen habarlamada.
Sondaı-aq qar kóshkini qaýpi bar aýmaq arqyly ótetin avtojolda qozǵalys kóshkin jaǵdaıy turaqtalǵanǵa deıin ýaqytsha jabylady.
Taýǵa barýdy josparlaǵan turǵyndar aýa raıyn jáne resmı eskertýlerdi eskergeni jón.
Eske salaıyq, buǵan deıin qar kóshkini qaýpine baılanysty Bogdanovıch muzdyǵynda shekteý kúsheıtilgenin jazǵanbyz.