Almatynyń taý bókterinde zańsyz salynǵan taýnhaýs buzylyp jatyr
ALMATY. KAZINFORM – Almatyda sot sheshimi boıynsha Ospanov kóshesi, 89/91 mekenjaıda ornalasqan nysan súriledi.
Almatynyń Qala qurylysyn baqylaý basqarmasynyń málimetinshe, nysannyń menshik ıesi tıisti qujatsyz jáne esh ruqsatsyz nysannyń tirek qabyrǵasyn turǵyzǵan. Jospardan tys júrgizilgen tekseris aıasynda menshik ıesine qatysty ákimshilik sharalar qabyldanǵan. Alaıda berilgen nusqamalar oryndalmaǵandyqtan, basqarma nysandy buzý jóninde talap aryz berdi.
2024 jyly 12 sáýirde Medeý aýdandyq soty talap aryzdy qanaǵattandyrdy. 2024 jyly 1 shildede Almaty qalalyq sotynyń qaýlysymen birinshi satydaǵy sheshim ózgerissiz qaldy.
- Búgin Ádilet departamenti sot oryndaýshylarynyń qatysýymen nysan súrilip jatyr, - dep habarlady Qala qurylysyn baqylaý basqarmasynan.
Eske salaıyq, buǵan deıin Almatyda «Arystan» bazary súrilgenin jazǵanbyz.