Almatynyń taý bókterinde qurylys júrgizýge moratorıı engizile me - Dosaev jaýaby

ALMATY. KAZINFORM - Bul suraqqa Almaty ákimi Bostandyq aýdanynyń turǵyndarymen kezdesýinde jaýap berdi.

«Ermensaı» shaǵyn aýdanynyń turǵyny taý bókterine jaqyn aýdandarda turǵyn úı keshenderin salýǵa moratorıı engizýdi usyndy.

- Bizde ınfraqurylym, joldar, kólik máselesine baılanysty suraqtar sheshilmeı jatyp, turǵyn úı salýdyń máni joq. Mundaı turǵyn úıler ózderiniń ǵana emes, búkil «Ermensaıdyń» jaǵdaıyn ýshyqtyryp otyr, - dedi turǵyn.

Erbolat Dosaev jeke aýmaqqa moratorıı engizý quqyǵy joq ekenin atap ótti.

- Ókinishke qaraı, men jeke moratorıı engize almaımyn, meniń ákim retinde ondaı quqyǵym joq. Biraq bul máseleni basqa jaǵynan sheship jatyrmyz. Biz qanshama qurylys jobasyna ruqsat bermeı qoıdyq. Qurylys bastaýǵa ruqsat bermegendikten maǵan qarsy adamdardyń qarasy kóbeıdi. Qazir olar qurylys júrgizýdiń basqa jolyn tapty - jeke turǵyn úı qurylysy retinde rásimdeıdi. Az qabatty qurylys pen jeke turǵyn úı qurylysyn naqty ajyrata alý úshin biz Ónerkásip jáne qurylys mınıstrligine usynys engizdik. Endi zań júzinde bul normalar bekitiledi dep úmittenemiz, - dedi shahar basshysy.

Eske salaıyq, buǵan deıin Erbolat Dosaev Almaty ákimdigine nelikten áıelder az ekenin aıtqan edi.