Almatynyń taǵy bir kóshesinde qubyr aýystyrylyp jatyr
ALMATY. KAZINFORM – Almatyda 40 jyldan astam ýaqyt qoldanylǵan qubyr aýystyrylyp jatyr.
– Almatyda Aıtıev kóshesinde 1980 jyly paıdalanýǵa berilgen qubyr qaıta jańartylyp jatyr. Jalpy uzyndyǵy 245,5 metr bolatyn jylý trassasy bes kópqabatty turǵyn úıdi jylýmen qamtamasyz etedi. Jazǵy kezeńde kórsetilgen tutynýshylarǵa ystyq sý berý saqtalady ,– dep habarlady «Almaty jylý júıesi» JShS-nen.
Osyǵan baılanysty 6-26 mamyr aralyǵynda Aıtıev kóshesinde, Bogenbaı batyr men Qarasaı batyr kósheleri arasyndaǵy ýchaskede avtokólik qozǵalysy shekteledi.
Jalpy, bıyl qala boıynsha 39 km jylý jelisin rekonstrýktsııalaý josparlanǵan.
Bul tozý deńgeıin 54%-ǵa deıin tómendetýge múmkindik beredi.
Eske salaıyq, buǵan deıin Gogol kóshesiniń soltústiginde, Áýezov jáne Rozybakıev kósheleri arasyndaǵy ónerkásiptik aımaqta ornalasqan qubyr aýystyrylǵan bolatyn.