Almatynyń Saıran jaǵalaýynda jasyl jelek nelikten qýrap jatyr — ákimdik jaýaby
ALMATY. KAZINFORM — Almatylyqtar Saıran kóliniń mańyndaǵy jasyl jelektiń jaǵdaıyna alańdaýshylyq bildirdi.
Turǵyndar jelide tıisti kútimniń bolmaýynan aýmaqtaǵy shóp pen aǵashtar qýrap jatqanyn jazǵan. Bul jaǵdaıǵa túsinikteme bergen Almaty ákimdigi bas merdigerge anyqtalǵan kemshilikterdi joıý tapsyrylǵanyn habarlady.
— Kepildik mindettemeler aıasynda «Pavlodar ózen porty» JShS kúshimen avtomatty sýarý júıesin ornatý jáne retke keltirý boıynsha qorytyndy jumystar júrgizilip jatyr. Qazirgi ýaqytta Saıran kóliniń búkil aýmaǵynda avtomatty sýarý júıesiniń jumys qabilettiligine keshendi tekserý júrgizilip jatyr, sodan keıin anyqtalǵan eskertýler joıylady, — dep habarlady Qoǵamdyq keńistikterdi damytý basqarmasynan.
Eske salaıyq, Saıran kólin abattandyrý jumystary 2023 jyly bastaldy. Qala ákimdigi aldymen jobanyń eskızderin usyndy.
Keıin Saıran sý qoımasynyń túbi 50 jylda alǵash ret tazartyldy. Mehanıkalyq tazalaý nátıjelerine 142 myń tekshe metr laı jáne 23 tonna turmystyq qoqys shyǵaryldy.
2025 jyly abattandyrý jumystary aıaqtalmasa da, 2 maýsymnan bastap Saıran kóline sý toltyryla bastady.
Josparlanǵan jumystardyń ýaqtyly aıaqtalmaýyna baılanysty Almaty ákimdigi Saıran kólin abattandyrý jobasynyń bas merdigeri — «Pavlodar ózen porty» AQ qatysty sotqa talap aryz túsirdi.
