Almatynyń Saıran kólinde baqylaý kúsheıtildi: 250 hattama toltyrylǵan

ALMATY. KAZINFORM – Almaty polıtsııasy Saıran kólinde profılaktıkalyq jumystardy kúsheıtti.

Qalalyq polıtsııa departamentiniń málimetinshe, Áýezov aýdanynda ákimshilik quqyq buzýshylyq deregi boıynsha 4 myńnan astam hattama toltyrǵan. Onyń ishinde 255 hattama Saıran kóli mańyndaǵy quqyq buzýshylyqtarǵa qatysty. Atap aıtqanda, azamattar alkogoldik ishimdikter ishý, qoǵamdyq oryndarda mas kúıinde júrý, aýmaqty lastaý, adamdardyń qoǵamdyq orynda mazasyn alý, abattandyrý erejelerin buzý jáne ruqsat etilmegen jerlerde saýda jasaý áreketteri úshin ákimshilik jaýapkershilikke tartyldy.

- Shomylý maýsymy ashylǵaly beri Saıran kólinde polıtsııa qyzmetkerleri, TJD mamandary jáne Ulttyq ulan áskerı qyzmetshileri turaqty túrde qyzmet atqaryp júr. Sonymen qatar ıývenaldy polıtsııanyń jaıaý patrýlderi, ýchaskelik ınspektorlar men JQAJ jaýyngerleri de táýlik boıy kezekshilik etedi, - dep habarlady polıtsııadan.

Eske salaıyq, buǵan deıin Almaty turǵyny jasaǵan quqyq buzýshylyq úshin oraldyq júrgizýshige aıyppul kelgenin jazǵanbyz.