Almatynyń ózen-kólderinde sý deńgeıi kóterilip, taýly aýmaqtarda tasqyn bolýy múmkin

ALMATY. KAZINFORM – Qutqarýshylar aýa raıyna baılanysty eskertý jarııalady.

«Qazgıdromet» RMK jarııalaǵan eskertýge sáıkes, Almaty qalasynda 10-11 shilde aralyǵynda qatty jaýyn-shashynǵa baılanysty ózen-kólderde sý deńgeıi kóterilip, qaýipti belgilerden asqan jaǵdaıda taý bókteri men soǵan jaqyn aýdandarda sý tasqyny bolýy múmkin.

– Qala turǵyndary men qonaqtaryna qaýipsizdik sharalaryn saqtap, taý bókterleri men ózen arnalaryna jaqyndamaý, sondaı-aq aýa raıy boljamynyń jańartýlaryn qadaǵalaý usynylady, –dep habarlady Almaty qalalyq tótenshe jaǵdaılar departamentinen.

Buǵan deıin Qazaqstannyń birqatar óńirinde naızaǵaı oınap, burshaq jaýatyny týraly habarlanǵan bolatyn.