Almatynyń oıyn-saýyq ortalyqtarynda túnde antıterrorıstik oqý-jattyǵý ótedi

ALMATY. KAZINFORM – Almatyda josparly antıterrorıstik oqý-jattyǵýlar ótkiziledi.

Almaty qalasy polıtsııa departamentiniń málimetinshe, 18-20 tamyz aralyǵynda túngi ýaqytta Mega Almaty aýmaǵynda (Rozybakıev kóshesi, 247a), «MOSKVA Metropolitan» aýmaǵynda (8-shaǵynaýdan, 37/1) jáne arnaıy HQKO-da (Saıaly shaǵynaýdany, Aq-Qaınar kóshesi, 1) josparly antıterrorıstik oqý-jattyǵýlar ótkiziledi.

- Oqý-jattyǵýlar adamdar kóp jınalatyn oryndarda terrorızm aktileriniń jolyn kesý mehanızmin jetildirýge baǵyttalǵan. Qaýipsizdik sharalaryn saqtap, memlekettik organ qyzmetkerleriniń zańdy talaptaryn oryndaýlaryńyzdy suraımyz. Sondaı-aq, tek resmı aqparat kózderine súıenip, jalǵan aqparat taratpaý qajet ekendigin eskertemiz, - dep habarlady polıtsııadan.

Sonymen qatar tártip saqshylary QR «Ákimshilik quqyq buzýshylyq» kodeksiniń 443-babyna sáıkes, qoǵamdyq tártipti qamtamasyz etýge qatysatyn tulǵanyń zańdy talabyna baǵynbaý ákimshilik jaýapkershilikke ákep soǵatynyn eskertti.

Eske salaıyq, buǵan deıin Qazaqstan azamaty halyqaralyq terrorıstik uıym qyzmetine qatysy bar degen kúdikpen ustaldy.