Almatynyń oıyn-saýyq nysandarynan 114 buzýshylyq anyqtaldy

ASTANA. KAZINFORM — Almatydaǵy oıyn-saýyq nysandary tekserilip, 114 buzýshylyq anyqtaldy, dep habarlaıdy qalalyq polıtsııa departamentiniń baspasóz qyzmeti.

Qarashanyń 8-nen 9-na qaraǵan túni Almaty qalasynyń polıtsııa qyzmetkerleri temeki ónimderin paıdalaný boıynsha buzýshylyqtardy anyqtaý maqsatynda oıyn-saýyq oryndarynda tekserý júrgizdi.

— Nátıjesinde birqatar buzýshylyqtar anyqtaldy. Qazaqstan Respýblıkasy Ákimshilik quqyq buzýshylyq týraly kodeksiniń 441-baby boıynsha 114 hattama jasaldy. 162 kalıan tárkilendi, — delingen habarlamada.

Buǵan deıin habarlaǵanymyzdaı, Atyraýda jyl basynan beri quqyq buzǵan 7 207 jasóspirim polıtsııaǵa jetkizilgen.

Sondaı-aq, Astanany aınala qoıylǵan polıtsııa beketteri jumysyn jalǵastyratyny belgili boldy.