Almatynyń Ortalyq stadıony janynda kólik qozǵalysy ishinara shekteledi

ALMATY. KAZINFORM – Almaty polıtsııasy Ortalyq stadıonda ótetin kontsert aldynda qaýipsizdik sharalaryn kúsheıtti. 

Almaty qalasy polıtsııa departamentiniń málimetinshe, keptelistiń aldyn alý maqsatynda Abaı dańǵyly, Baıtursynuly, Muqanov jáne Sátbaev kósheleriniń qıylysynda avtokólik qozǵalysy ishinara shektelýi múmkin.

– Qala turǵyndary men qonaqtarynan engizilgen sharalarǵa túsinistikpen qarap, qozǵalys baǵyttaryn aldyn ala josparlaýdy suraımyz. Azamattardyń qaýipsizdigi – bizdiń basty basymdyǵymyz. Qoǵamdyq tártipti saqtap, polıtsııa qyzmetkerleriniń nusqaýlaryn oryndańyzdar, - dep habarlady departamentten.

Eske salaıyq, buǵan deıin Almaty polıtsııasyna táýligine 4,5 myń qońyraý túsetinin jazǵanbyz.