Almatynyń ortalyǵyndaǵy zańsyz nysan sot sheshimimen buzylyp jatyr

Almatynyń qala qurylysyn baqylaý basqarmasynyń málimetinshe, bir qabatty kireberis qosalqy nysan men qoǵamdyq tamaqtaný orny ornalasqan jazǵy alań zańsyz salynǵan.

Jospardan tys tekserý barysynda «TAIMAS LTD» JShS menshik ıesine ákimshilik sharalar qoldanylyp, zańsyz salynǵan nysan men alańdy buzý jáne ǵımaratty bastapqy qalpyna keltirý týraly nusqama berilgen.

Alaıda menshik ıesi bul talapty oryndamaǵan.

— Osyǵan baılanysty basqarma nusqama talaptaryn májbúrli túrde oryndatý úshin mamandandyrylǵan aýdanaralyq ekonomıkalyq sotqa talap aryz bergen. Budan keıin uzaqqa sozylǵan sot talqylaýy ótti, — dep habarlady vedomstvo.

2026 jyly 11 aqpanda Almaty sotynyń qaýlysymen basqarmanyń talap aryzy qanaǵattandyryldy. Búgin Ádilet departamenti sot oryndaýshylarynyń qatysýymen nysandy buzý jumystary bastaldy.

Eske salaıyq, buǵan deıin Almatyda qurylysy aıaqtalmaǵan 5 qabatty ǵımarat buzylyp jatqanyn habarlaǵan edik.