Almatynyń ortalyǵyndaǵy zańsyz nysan eki jylǵa sozylǵan sottan soń buzyla bastady
ALMATY. KAZINFORM — Almatyda Nazarbaev dańǵyly, 220/3 mekenjaıynda ornalasqan, birneshe keńse men qoǵamdyq tamaqtaný nysandary jumys istegen japsarlas qurylysty buzý jumystary bastaldy. Bul týraly Qala qurylysyn baqylaý basqarmasynyń ókilderi habarlady.
Buǵan deıin júrgizilgen jospardan tys tekserý barysynda nysanǵa qatysty barlyq qajetti qujat tolyq emes ekeni anyqtalǵan. Sonymen qatar qurylystyń bir bóligi jalpyǵa ortaq paıdalanylatyn jer teliminde salynǵany belgili boldy.
— Osyǵan baılanysty menshik ıesine ákimshilik sharalar qoldanylyp, keıin is sotqa joldandy. Sot protsesi shamamen eki jylǵa sozyldy, — delingen habarlamada.
Іsti qaraý qorytyndysy boıynsha, 2025 jyly 17 qarashada Almaty sotynyń qaýlysymen nysandy májbúrli túrde buzyp tastaý týraly sheshim qabyldandy.
Buzý jumystary búgin, 2026 jylǵy 26 maýsymda Ádilet departamentiniń sot oryndaýshylarynyń qatysýymen bastaldy.
Eske salaıyq, buǵan deıin Almatyda Dostyq dańǵyly, 170/1 mekenjaıynda ornalasqan zańsyz saýda nysandary buzylǵanyn habarlaǵanbyz.
