Almatynyń ortalyǵynda zańsyz saýda nysandary buzyldy

Qala qurylysy baqylaý basqarmasynyń ókilderiniń málimetinshe, jospardan tys tekserý barysynda bud aýmaqta qajetti ruqsatsyz bir qabatty úsh nysannyń qurylysy júrgizilgeni anyqtaldy.

Tekserý qorytyndysy boıynsha menshik ıesine qurylys-montaj jumystaryn toqtatý, anyqtalǵan zańbuzýshylyqtardy joıý jáne jer telimin bastapqy qalpyna keltirý jóninde nusqama berildi.

— Alaıda nusqama talaptary oryndalmaǵandyqtan, materıaldar Ákimshilik quqyq buzýshylyqtar jónindegi mamandandyrylǵan aýdanaralyq sotqa joldandy. Sot sheshimimen menshik ıesi ákimshilik jaýapkershilikke tartyldy, — delingen habarlamada.

Qazirgi ýaqytta óz betinshe salynǵan nysandar menshik ıesiniń kúshimen tolyqtaı buzyldy.

Qala qurylysy baqylaý basqarmasy qurylys jumystaryn júrgizý kezinde qoldanystaǵy zańnama talaptaryn qatań saqtaý qajettigin eskertti.

Eske salaıyq, buǵan deıin Almatyda Poddýbnyı kóshesi, 119-úı mekenjaıynda ornalasqan zańsyz nysan buzylǵanyn habarlaǵan edik.