Almatynyń ortalyǵyndaǵy qoıý tútin: qaı jerden órt shyqty
ALMATY. KAZINFORM — Almatynyń Bostandyq aýdanynda jeke turǵyn úıden órt shyqty. Qazir órt sóndirýshiler jalyndy sóndirip jatyr.
Áleýmettik jelide qaladaǵy tútinniń foto jáne vıdeolary jarııalandy. Jeli qoldanýshylarynyń aıtýynsha, tútin Ál-Farabı men Seıfýllın dańǵyldarynyń qıylysynda baıqalǵan.
Almaty tótenshe jaǵdaılar departamentiniń málimetinshe, qala garnızonynyń kúshteri Qarataev kóshesindegi órtti sóndirip jatyr. Aldyn ala málimet boıynsha, jeke turǵyn úıden órt shyqqan.
Órt shyqqan aýmaq, zardap shekkender men oqıǵanyń sebepteri týraly aqparat naqtylanyp jatyr.
Eske salaıyq, Almatyda eki qabatty kafeden órt shyqqan edi.
