Almatynyń názik jandary qala turǵyndaryn referendýmǵa shaqyrdy
ALMATY. KAZINFORM - Almatyda 8 naýryz – Halyqaralyq áıelder kúnine oraı qala turǵyndary, áıelder qaýymy almatylyqtarǵa úndeý jasap, aldaǵy referendýmǵa qatysýǵa shaqyrdy.
Beınerolıkte qoǵam qaıratkerleri, pedagogter, kásipkerler, dárigerler jáne belsendi qala turǵyndary sekildi túrli sala ókilderi turǵyndardy kóktem merekesimen quttyqtap, azamattyq jaýapkershiliktiń mańyzyn atap ótedi. Olardyń aıtýynsha, referendýmǵa qatysý – óz ustanymyńdy bildirip, el bolashaǵyna úles qosýdyń bir múmkindigi.
Rolıkke qatysýshylar Almaty qalasy árdaıym belsendi azamattyq ustanymymen erekshelenetinin, al turǵyndardyń beıjaı qaramaýy qalanyń ári eldiń damýyna yqpal etetinin atap ótedi.
Óz úndeýlerinde olar almatylyqtardy belsendilik tanytyp, mańyzdy qoǵamdyq sharaǵa qatysýǵa shaqyrady.
Eske sala keteıik, 15 naýryz kúni Konstıtýtsııa boıynsha referendým ótedi. Bul kúni turǵyndar daýys berýge qatysyp, mańyzdy memlekettik másele boıynsha óz tańdaýyn jasaı alady.
