Almatynyń Naýryzbaı batyr kóshesinde kólik qozǵalysy shekteledi
ALMATY. KAZINFORM – 3 maýsymda saǵat 23:00-den bastap 4 maýsym saǵat 08:00-ge deıin Almatynyń Bostandyq aýdanyna qarasty Naýryzbaı kóshesiniń boıynda Abaı dańǵylynan Sátpaev kóshesine deıin avtokólikterdiń qozǵalysy jartylaı shekteledi.

- Ýaqytsha shekteýler atalǵan kóshe segmentteriniń astymen ótetin magıstraldyq qubyrjoldardy jańǵyrtý boıynsha josparly jumystardyń qaýipsizdigin qamtamasyz etý úshin engiziledi, - dep habarlady «Almaty jylý júıesi» JShS.
Eske salaıyq, 31 mamyrdan 20 shildege deıin Bógenbaı batyr kóshesiniń bir bóligi, 31 mamyrdan 30 maýsymǵa deıin Túrksib aýdanynda Kotelnıkov kóshesiniń bir bóligi jabylady.
Sondaı-aq 1 maýsymnan bastap 20 tamyzǵa deıin Sátpaev kóshesimen Masanchı kóshesinen bastap Baıtursynov kóshesine deıin eki baǵytta qozǵalys shekteledi. 2 maýsymnan bastap 20 tamyzǵa deıin Ǵabdýllın kóshesinde Rımskıı-Korsakov kóshesinen bastap Nahımov kóshesine deıin eki baǵytta qozǵalys shekteledi.