Almatynyń metro beketterinde merekelik kontsert pen kórmeler ótedi
ALMATY. KAZINFORM — 20-25 naýryz aralyǵynda qala turǵyndary men qonaqtary metro beketterinde teatr ártisteriniń ónerin jáne qazaq halqynyń mádenıetin dáripteý maqsatynda uıymdastyrylǵan fotokórmelerdi tamashalaı alady.
«Muhtar Áýezov atyndaǵy teatr» metro beketinde 20 naýryz kúni Yqylas Dúkenuly atyndaǵy mýzykalyq aspaptar murajaıy qorynan qazaq halqynyń ulttyq mýzykalyq aspaptarynyń fotosýretteri qoıyldy.
«Baıqońyr» beketinde qazaq halqynyń dástúrli oıyndaryna arnalǵan fotosýretter qoıylady. 21 naýryz kúni saǵat 13:00–de «Sazgen Sazy» ansambli ulttyq aspaptardyń únimen mýzykalyq shoý kórsetpek.
«Jibek joly» beketinde 23 naýryz kúni saǵat 12:00–de «Jańa Ǵasyr» teatry «Almaty Mahabbatym» spektaklin qoıyp, jolaýshylardy mahabbat tarıhy arqyly qalanyń erekshe atmosferasyna jeteleıdi.
«Almaly» stantsııasynda jolaýshylar HH ǵasyrdyń basyndaǵy qazaq halqynyń zergerlik áshekeıleriniń fotosýretterimen tanysyp, ulttyq naqyshtaǵy óner týyndylaryn tamashalaı alady. 24 naýryz kúni saǵat 15:00–de kórme «ASU» folklorlyq-etnografııalyq ujymy kórsetetin etno-shoý arqyly tolyqtyrylyp, jolaýshylarǵa merekelik kóńil-kúı syılamaq.
«Saryarqa» beketindegi fotojoba 1980-shi jyldardyń sońy men 1990-shy jyldardyń basynda Naýryz merekesi Almatyda qalaı toılanǵanyn kórsetedi. 25 naýryz kúni saǵat 15:00–de «Almaty Mahabbatym» spektakli taǵy da qoıylady.
Eske salaıyq, buǵan deıin Almatyda Naýryz qalaı toılanatynyn jazǵanbyz.
Sondaı-aq Almatyda Naýryz merekesine baılanysty birneshe kóshe ýaqytsha jabylatynyn jazǵan edik.