Almatynyń meshitterinde urlyq jasaǵan er adam ustaldy

ALMATY. KAZINFORM – Almatytylyq polıtseıler Almaly aýdanynda ornalasqan meshitterde urlyqtyń tórt deregin ashty.

Meshitterde urlyq jasaǵan degen kúdikpen Almaty oblysynyń 40 jastaǵy turǵyny ustaldy.

«Urlyq jasaý kezinde B.esimdi azamat beınebaqylaý kameralaryna túsip qalǵan. Zardap shekkenderdiń biriniń aıtýynsha, namaz kezinde belgisiz bireý onyń jeke múlkin urlap, 200 myń teńge kóleminde materıaldyq shyǵyn keltirgen. Qaskóıdiń osyǵan uqsas 4 urlyqqa qatysy bary belgili boldy. Atalǵan derekter bir óndiriske biriktirilip, sotqa deıingi tergeý amaldary bastaldy. Ustalǵan adam óz kinásin moıyndady», – dedi Almaly aýdandyq polıtsııa basqarmasyna qarasty polıtsııa bóliminiń bastyǵy Baturjan Ábdimasarov.

Qazaqstan QR QK-niń 201-babyna sáıkes ózge aqparat tergeý múddesine oraı jarııa etilmeıdi.

«QR Konstıtýtsııasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady», - dep habarlady qalalyq polıtsııa departamentiniń baspasóz qyzmeti.