Almatynyń Medeý aýdanynda jeke úı órtendi

ASTANA. KAZINFORM – Órt «Gornyı gıgant» yqshamaýdanynda boldy. Aldymen jeke úı órtengen, keıin jalyn qasynda turǵan ǵımarattyń shatyryna aýysqan. Bul týraly TJM baspasóz qyzmeti habarlady. 

Oqıǵa ornynda jedel shtab qurylyp, jaǵdaı baqylaýǵa alyndy, dep habarlady qalalyq TJD.

Vedomstvo málimetinshe, ǵımarattar bir-birine tym jaqyn salynǵandyqtan, jalyn tez tarap, órt sóndirý qıynǵa soqqan. Sonymen qatar, órt týraly habarlama kesh túsken, ol kezde órt ájeptáýir órship ketken.

Jergilikti jerde jedel shtab ashylyp, 3 jaýyngerlik ýchaske uıymdastyryldy. Oqpandar engizildi, sýdyń úzdiksiz berilýi qamtamasyz etildi. Shuǵyl ózara áreket etý qyzmetteri oqıǵa ornynda.

Jaǵdaı baqylaýda. Zardap shekkender týraly aqparat túsken joq. 

Aıta ketelik Almaty oblysyndaǵy taýly aımaqtan órt shyqty.