Almatynyń Medeý aýdanynda 10 balabaqsha ashylady

ALMATY. KAZINFORM – Bıyl Medeý aýdanynda bir mektep pen 10 balabaqsha paıdalanýǵa beriledi.

Алматының Медеу ауданында 10 балабақша ашылады
Фото: Алматы әкімдігі

Atap aıtqanda, «Jaıly mektep» ulttyq jobasy aıasynda qalanyń ońtústik bóliginde, Qulja tasjolynyń janynda 2 000 oryndyq jańa mekteptiń qurylysy bastaldy.

Qurylysty aıaqtaý 2025 jyldyń tamyz aıyna josparlanǵan. Osy kezeńde №161 jáne №33 mektepterinde kúrdeli jóndeý jáne seısmıkalyq kúsheıtý jumystary da aıaqtalady.

Sonymen qatar, qoldanystaǵy bilim berý mekemelerin keńeıtý maqsatynda úsh mektepke qosymsha ǵımarattar salynyp jatyr.

Bıyl mamyrda №131 mektepke 300 oryndyq qosymsha ǵımarattyń qurylysy bastalyp, kelesi jyldyń shildesinde aıaqtalady. Al qyrkúıekte «Dýman» shaǵynaýdanynda 1 200 oryndyq jeke mekteptiń qurylysy bastalyp, ony 2026 jyldyń tamyzynda aıaqtaý josparda.

– Mektepke deıingi mekemeler jelisin keńeıtý boıynsha da belsendi jumystar júrgizilýde. Byltyr Almatyda 720 oryndyq 14 jeke balabaqsha ashyldy, al 2025 jyldyń sońyna deıin taǵy 500 orynǵa arnalǵan 10 balabaqshany qoldanysqa berý josparda. Osy jyly «Dýman-2» shaǵynaýdanynda 320 oryndyq jeke balabaqshanyń qurylysy bastalyp, 2026 jyldyń aqpanynda ashylady.Kóktemde №195 balabaqshanyń kúrdeli jóndeýi men seısmıkalyq kúsheıtý jumystary aıaqtalady,– dedi Erbolat Dosaev Medeý aýdany turǵyndarymen kezdesýinde.

Áleýmettik jaýapkershilik aıasynda «BI Group» qurylys kompanııasy 2025 jyldyń tamyz aıynda jetim balalarǵa arnalǵan jańa «Januıa» mamandandyrylǵan kesheniniń qurylysyn aıaqtaıdy.

Joba aıasynda eski ǵımarat súrilip, jańasy salynady. Jobanyń jalpy quny – 5,9 mlrd teńge.

Eske salaıyq, Almatyda osy jyly 120-dan astam áleýmettik nysandy qaıta jańartý jáne salý josparda.

Сейчас читают