Almatynyń kommýnaldyq qyzmeti kúsheıtilgen rejımde jumys isteıdi

Almaty qalasynda búgin saǵat 10.00-den bastap jaýǵan jańbyr tańǵa deıin jaýady dep boljanyp otyr, dep habarlaıdy Kazinform.

"Sýdyń kedergisiz aǵýyn qamtamasyz etý, yqtımal sý basýdyń aldyn alý jáne joıý maqsatynda 46 patrýldik brıgada, 165 arnaıy tehnıka, 26 motopompa jáne 684 jumysshysy jumyldyryldy. Sý basýy múmkin oryndardy qorshaý úshin shamamen 2 myń qap qum daıyndaldy", - dep jazdy Almaty qalasynyń kommýnaldyq ınfraqurylymdy damytý basqarmasy.

Tótenshe jaǵdaılar jónindegi jedel kezekshiniń aqparaty boıynsha sý tasqyny tirkelgen joq.

Túngi ýaqytta 114 arnaıy tehnıka, 23 motopompa jáne 115 adam jumys isteýge shyǵady dep josparlanǵan.

Aýdan ákimdikterinde táýlik boıy kezekshilik uıymdastyryldy.

"Qazgıdromet" RMK boljaýynsha, Almaty qalasynda túnde tuman túsip, 1-2 mm-ge deıin jaýyn-shashyn bolýy múmkin. Jeldiń ekpini - 2-7 m/s. Túnde aýa temperatýrasy +4...+6 gradýs, erteń kúndiz jaýyn-shashynsyz +14...+16.