Almaty kommýnaldyq ınfraqurylymdy damytý basqarmasynyń jańa basshysy taǵaıyndaldy
ALMATY. KAZINFORM – Almaty ákimi Erbolat Dosaevtyń ókimimen kommýnaldyq ınfraqurylymdy damytý basqarmasynyń basshysy laýazymyna Sharhan Tursynbaev taǵaıyndaldy.
Sharhan Shaımerdenuly Tursynbaev Qazaq bas sáýlet-qurylys akademııasyn jáne Qazaqstan Halyqtar dostyǵy ýnıversıtetin bitirgen.
Kásibı mansaby 2010 jyly Almaty qalasy Memlekettik sáýlet-qurylys baqylaý basqarmasynda bas maman bolyp jumysqa kirisken kezde bastaldy.
Keıingi jyldary Áýezov jáne Naýryzbaı aýdandary ákimderiniń apparattarynda túrli qyzmetter atqardy.
2018 jyly Almaty qalasy ákimi apparatynyń uıymdastyrý jáne baqylaý jumysy bóliminiń bas mamany bolyp jumys istedi.
2019 jyldan 2024 jyldyń mamyryna deıin Almaty qalasy Áýezov aýdany ákiminiń orynbasary, apparat basshysy bolyp jumys istedi.
Osy taǵaıyndaýǵa deıin Almaty qalasy ákimi apparaty basshysynyń orynbasary boldy.
Eske salaıyq, buǵan deıin Almaty qalasy Ekologııa jáne qorshaǵan orta basqarmasynyń basshysy taǵaıyndalǵany týraly jazǵan edik.
Aıta keteıik, saıasat, ekonomıka, bıznes, ǵylym, mádenıet sekildi túrli salada el damýyna eleýli úles qosqan tanymal qazaqstandyqtardyń ómirbaıany men qyzyqty málimetterdi myna jerden oqı alasyz.