Almatynyń kólik ınfraqurylymy: qalada eki BRT jelisiniń qurylysy júrip jatyr

ALMATY. KAZINFORM — Memleket basshysy Qasym-Jomart Toqaevtyń tapsyrmasyn oryndaý aıasynda Almatyda kólik ınfraqurylymyn qalyptastyrý jumystary júrgizilip jatyr.

Almaty ákimdiginen atap ótkendeı, bul týraly qala ákimi Erbolat Dosaevtyń 2025 jylǵy 1-30 sáýir aralyǵyndaǵy Prezıdentke bergen esebinde aıtylǵan.

2025 jyly 23 sáýirde Raıymbek dańǵyly boıymen uzyndyǵy 17 km bolatyn BRT jelisiniń qurylysy bastaldy. Al 2025 jyly 26 sáýirde Jeltoqsan kóshesi arqyly Raıymbek dańǵylyna deıin uzyndyǵy 4,6 km bolatyn qosymsha jeliniń qurylysy qolǵa alyndy. Bul rette «qasbetten qasbetke deıin» prıntsıpi boıynsha kóshe tolyq kórkeıtildi. 

— Qazir ınjenerlik jelilerdi qaıta uıymdastyrý jumystary júrgizilip jatyr. Qala turǵyndaryna yńǵaıly bolý úshin jol qozǵalysyn ýaqytsha qaıta uıymdastyrý syzbasy daıyndalyp, áleýmettik jeliler men «Almaty Joly» telegram arnasy arqyly habarlanyp otyr, — delingen habarlamada.

Osyǵan deıin BRT qurylysy kezinde qaıta paıdalanýǵa bolmaıtyn búlingen jıekter ǵana aýystyrylatyny týraly jazǵanbyz.