Almatynyń keıbir aýdanynda jaryq ýaqytsha óshýi múmkin

ALMATY. KAZINFORM – Almatyda 16-20 aqpan aralyǵynda elektr berý jelilerinde josparly jóndeý jumystary júrgiziledi.

«Alataý Jaryq Kompanııasy» AQ qala men oblys aýmaǵyndaǵy elektr jelilerinde júrgiziletin jumystardyń aptalyq kestesin jarııalady.

Kompanııanyń habarlaýynsha, keıbir ýchaskede jaryq az ýaqytqa óshýi múmkin, biraq bul sol aýmaqtaǵy barlyq úıge birdeı qatysty bolmaıdy.

– Bul jumystar elektr jelisiniń turaqty ári sapaly jumys isteýi úshin júrgiziledi. Jaryq tek basqa qorek kózine qosý múmkin bolmaǵan erekshe jaǵdaıda ǵana jáne az ýaqytqa óshiriledi, - dep túsindirdi kompanııa ókilderi.

Josparly jumystarǵa symdardy bógde zattardan tazartý, jabdyqtardy jartylaı aýystyrý jáne basqa da tehnıkalyq qyzmet kórsetý sharalary kiredi. Ádette mundaı jumystar 1,5-2 saǵattan aspaıdy.

Óshirý ýaqyty men kúni kórsetilgen kóshelerdiń tolyq tizimin myna siltemeden kórýge bolady.