Almatynyń keı aýmaqtarynda elektr jaryǵy óshiriledi
ALMATY. KAZINFORM – 3–7 tamyz aralyǵynda Almatynyń keı aýdandarynda elektr energııasyn ýaqytsha óshirý josparlanǵan.
Josparly jumystar qalanyń birneshe aýdanyn qamtıdy. Kópqabatty turǵyn úıler, jeke sektor, kásiporyndar, memlekettik mekemeler men kommertsııalyq nysandarda ýaqytsha jaryq óshiriledi.
Atalǵan jumystar “Áıgerim”, “Samǵaý”, “Túrkistan”, “Shańyraq”, “Kókqaınar”, “Uljan”, “Terekti”, “Aqjar”, “Alǵabas”, “Qalqaman”, “Qaraǵaıly”, “Ójet”, “Qarasý”, “Ermensaı”, “Kóktóbe”, “Aqsaı”, “Altaı”, “Samal” shaǵyn aýdandarynda josparlanǵan. Jaryq óshirý Jandosov, Saın, Raıymbek, Rysqulov, Bókeıhanov, Tóle bı, Seıfýllın, Aqan seri, Buryndaı kóshelerinde ornalasqan nysandarǵa da qatysty bolady.
«Alataý Jaryq Kompanııasy» AQ elektr energııasyn óshirý elektr jelilerindegi jóndeý jumystarymen baılanysty ekenin jáne elektrmen jabdyqtaý senimdiligin arttyrý úshin qajet ekenin túsindirdi. Elektr energııasy saǵat 09:00-den 17:00-ge deıin shekteledi, alaıda keıbir ýchaskelerde jumystar saǵat 18:00-ge nemese 20:00-ge deıin sozylady.
Eske salaıyq, buǵan deıin Almatyda aptap ystyqtan elektr energııasy jappaı óshti.
