Almatynyń «Qaıraty» fýtzaldan sýperkýbok ıegeri atandy

ORAL. KAZINFORM — Oral qalasyndaǵy «Jaıyq arena» sport kesheninde fýtzaldan sýperkýbok úshin oıyn aıaqtaldy.

Qazaqstan chempıony «Qaırat» pen el kýbogynyń ıegeri «Semeı» komandasy kim myqty ekendigin anyqtady. 

Asa tartysty ótken matchta qos komandanyń da múmkindikteri boldy.

Báseke taǵdyryn «Qaıratqa» jańadan kelgen brazılııalyq Rafao soqqan jalǵyz gol sheshti. 
Bıyl maýsym aıynyń aıaǵynda «Qaırat» pleı-off serııasynyń sońǵy matchynda «Semeıdi» 3:1 esebimen tize búktirip, el chempıony atanǵan bolatyn. Al naýryz aıynda semeılikter almatylyqtardy 5:1 esebimen qapy qaldyryp, kýbokty enshilegen edi.

Bul joly sýperkýbok «Qaırattyń» enshisinde ketti.

Osylaısha, Qazaqstanda fýtzaldyń jańa maýsymy bastaldy. 

Eske sala keteıik, budan buryn búgin Oralda fýtzaldan Qazaqstan sýperkýbogy ótetinin jazǵan edik.