Almatynyń Kásipkerlik jáne ınvestıtsııalar basqarmasyna jańa basshysy keldi

ALMATY. KAZINFORM – Almaty qalasy Kásipkerlik jáne ınvestıtsııalar basqarmasynyń basshysy bolyp Álisher Satybaldıev taǵaıyndaldy.

Álisher Satybaldıev 1990 jyly 19 aqpanda Almatyda dúnıege kelgen. «Turan» ýnıversıtetin, Halyqaralyq bıznes ýnıversıtetin (UIB), Maxwell School of Citizenship and Public Affairs (Executive Certificate of advanced study), QR Prezıdenti janyndaǵy Memlekettik basqarý akademııasyn bitirgen.

Eńbek jolyn 2012 jyly Almaty qalasynyń «Tabıǵı resýrstar jáne tabıǵatty paıdalanýdy retteý basqarmasy» KMM bas mamany, keıin bólim basshysy qyzmetinen bastady.

2016-2017 jyldary bıznes qurylymdar men úkimettik emes uıymdarda basshylyq qyzmetter atqardy.

2017-2019 jyldary «Shyǵys Qazaqstan oblysynyń Tabıǵı resýrstar jáne tabıǵat paıdalanýdy retteý basqarmasy» MM tabıǵat qorǵaý baǵdarlamalaryn iske asyrý basqarmasy basshysynyń orynbasary bolyp jumys istedi.

2019-2021 jyldary Almaty qalasy Jetisý aýdany ákiminiń orynbasary boldy.

2021 jyly «Almaty» Áleýmettik-kásipkerlik korporatsııasy» AQ basqarma tóraǵasynyń keńesshisi, basqarma tóraǵasy apparatynyń basshysy bolyp eńbek etti.

2022 jyldyń mamyr aıynan bastap «Almaty ındýstrıaldy aımaǵy» JShS Bas dırektory, basqarma tóraǵasy boldy.