Almatynyń qansha meshitinde taraýyq namazy oqylady

ALMATY. KAZINFORM – Almatyda Ramazan aıyn merekeleý jospary bekitildi. Bul týraly óńirlik kommýnıkatsııalar qyzmetiniń alańynda ótken brıfıngide shahardyń bas ımamy Tólebı Ospan  aıtty.

Aıtýynsha, bıyl qalanyń 54 meshittiń 50 -inde quran hatym túsirilip, taraýyq namazy oqylady. Sonymen qatar Almatynyń ortalyq meshitinde kún saıyn 500 adamǵa arnalǵan úlken aýyzashar ótetin «Ramazan shatyry» qurylady.

«Oraza aıy Naýryz merekesimen sáıkes keletindikten, keshki aýyzashar kezinde meshit qonaqtaryna naýryz kóje men baýyrsaq taratylady. Aýyzashar ótetin oryndar qazaqy órnekterimen bezendirilip, Ramazan aıynyń qurmetine «Jarapazan» oryndalady», - dedi Tólebı Ospan.

Eske salaıyq, bıyl Ramazan aıy 11 naýryzda bastalyp, 9 sáýirde aıaqtalady.